देउडा गीत मन पराउने हरु

डोटी राम्रा डँडेल्धुरा अछाम राम्रा साँपे।
मलाई पनि उडाई लैजा हिउँचुलीका डाँफे॥
दुल्लुदेई दैलेख सम्म जाँथी हान्यो खम्म।
खाँक फाल तिर्सना झाल घाम लागन्ती सम्म॥
म पारी गैजाने थिएँ नित्र गंगा नित्र।
मै जसो दु:खारी क्वै नाई चौध अञ्चल भित्र॥
भैसाथी जाँदैन भन्दो बामनको बर्म।
दु:ख पाउनु प्रदेशै धाउनु के बिग्री होई कर्म॥
जैगाड बस्याको भोट्या पानी काँ खाँदो हो।
हाड मांस माटीका भर हंस काँ जाँदो हो॥
कि पानी पिदै नपिनु कि कर्णाली सुका।
कि त दैव जन्म नदे कि सोचेको पुगा॥
धोति मैलै टोपी मैलै धोई दिने कोई छैन|
परदेशमा मरन्याको रोइदिने कोइ छैन ॥
सर्क लाग्यो लिसे बादल कर्णाली तुरुक्क|
सम्झिगे बसेकी ठौर रोई गए धुरुक्क ॥
नुन पिसु, खुर्सानी पिसु, जिरो लै पिसुकी|
सौरिले जिउ जान लाइग्यो, आइझा बिसुकी॥
रोप रोप रोप्न्यारी हो, आसार गोडौली|
एकचोटी लायाको प्रिती, फेरी काँ छोडौली॥
डोटीकी देइजात राम्री, बन्नाकी चैतली|
भनिदेउ मनका कुणा, मिलाइदेउ पैतली॥
भाईटीका फूलको माला, दशैकी जमरा|
देउडा खेल्न आया साथी, भदौकि गमरा॥
घात गरी अलपत्र पारी हाँसी रमाई रमाई।
मन हुन्याकि जिउदै मारी धनीको हात समाई॥
माथि राम्रो बासुधारा तलको मजखोरी ।
डिठ पणे हाँसने बानी जनलाया चोरी ।।