देउडा गीत

यै साल परदेशै बिती पुस पन्ध्रकी रात/
मन छैन ठगान कैलै कुशल छैन गात//

झल्को आउनो गाउँघरको पन्नरै रातको/
निको नौलो खानु छुट्यो आमाका हातको//

यस्तै छ अभागी कर्म सोच्या मुटु दुख्छ/
सम्झु भन्या काजबार ज्यान मान्तर सुक्छ//

बुणापाका कथा सुनाई तमासा अरन्ना/
सम्झन्ना परदेशी छोरा सम्राईले मरन्ना//

दिन भरी तौण कोरी बासा ओसेई खान्ना/
जाँलाई बस्यो टोलाइरनो झर्को मान्ना मान्ना//

कोई हालन्ना ताले माणा कोई हालन्ना रोट/
घर छाणी दुरदुरै बस्नु कर्म लाग्यो खोट//
  
                  उत्तम चन्द